Lónsöræfi við austanverðan Vatnajökul eru stórkostlegt svæði með óvenju litríkum líparítfjöllum. Þarna er Múlaskáli sem auðveldast er að nálgast gangandi frá Illakambi
óteljandi gönguleiðir
Frá Múlaskála bjóðast gönguleiðir í allar áttir. Ein slík liggur að 8 km löngum klettadröngum úr móbergi, Tröllakrókum sem jöklar, vötn og vindar hafa sorfið til
Fjör í Leiðitungum
Frá Múlaskála er gengið um Leiðitungur að Tröllakrókum. Einnig má velja eystri leið sem kallast Leið milli gilja. Þessar gönguleiðir eru algjör veisla fyrir augað
Verk Arkitekts?
Allt í einu blasa Tröllakrókar við í öllu sínu veldi. Það er ólýsanleg tilfinning að koma að þessu stórkostlega náttúrulistaverki en sorfnir klettadrangarnir minna óneitanlega á sköpunarverk spænska arkitektsins Antony Gaudí, sérstaklega hina heimsfrægu kirkju Sagrada Familia í Barcelona
Rándýrir Útsýnispallar
Sumstaðar ná þverhníptir hamrarnir nokkur hundruð metra hæð og á milli þeirra eru náttúrulega mosavaxin útskot. Þar er tilvalið að kasta mæðinni og jafnvel ná smá blundi
Vötn og tindar
Skammt frá eru falleg vötn með útsýni þar sem fjöldi tinda í og við austanverðan Vatnajökul blasa við, m.a. Sauðhamarstindur
Núvitund
Í Tröllakrókum er ákjósanlegt að slaka á og íhuga lífið og tilveruna
Enda umhverfið rándýrt
Ómar Ragnarsson hefur sagt að allir verði að koma i Tröllakróka áður en þeir geispa golunni. Við erum sammála því
Einstök náttúrusmíð
Því hljóta allir að vera sammála sem heimsækja Tröllakróka